El gomeru

Lanzadera anarquista de Asturias

Felices pascues

6571496813_7966045342

Fotografía de Nuria M. Alonso

Por Gelu Meana

Nestos dís la humana pulsión de fraternidá, paz y amor universales ye afaláa -¡qué coses!- po los alministraores de muerte que son los mandamases, mandones, executivos y xestores del sistema social que mos toca padecer a quienes vinimos a dar al mundiu nestos tiempos. Un sistema afitáu ¡qué coses! nos atavismos del autoritarismu, la violencia y l’egoísmu estruturales. Y ¡osties! furrúlaios. ¡qué bien a puntu tienen la maquinaria del control social, revisáa y engrasáa dafechu! Pa eso paguen un numerosu y eficaz serviciu de mantenimientu que trabaya les 24 hores de to los dís de la vida a plenu rendimientu pa rexistrar y solventar la mínima incidencia que pueda entorpecer su automática retroalimentación.

Si nun queremos ser pastu y alimentu desa maquinaria que mos machaca y mos esmuerga ensin que mos deamos demasiao cuenta, nun podemos quedamos na mera contemplación y acatamientu, por más que críticu,  del su ablucante  poder. Los nuestros mecanismos de autodefensa reclámenmos l’entorpecimientu desa maquinaria, metéi chines, piedres, morrillos, palos, estaques, fierros nel engrabe, nos goncios y los engranaxes, morgazu nel tubu escape,  zúcare y mexu nel motor ¡sabotaxe! pero activu y ensin contemplaciones. De xuro que ca quien, en beneficiu propiu y del común -que son defechu interdependientes-, tien manera de facelo ensin muchu problema con poco que se ponga a pescanciar el modu y ponga enfotu nello.

Enestes pascues fái-yos la páscua, regálaios turrón del duru y champán con burbuxes esplosives. Puées atopalo na tienda del to maxín. ¡va a prestate asgaya! y sobre too ¡va prestanos…! ¡po la vida!

Salú y ¡a por ellos!

Anuncios

Navegación en la entrada única

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: